Kroacia dhe Kosova do të rrisin bashkëpunimin ekonomik, veçanërisht në atë ajror, hekurudha dhe infrastrukturë, deklaroi Ministri kroat i Detit, Transportit dhe Infrastrukturës Oleg Butkoviç dhe Ministri i Mjedisit, Planifikimit Hapësinor dhe Infrastrukturës së Kosovës Liburn Aliu.

14 shkurt 2022

Shkruan: Katrina Rožić

Duke shprehur kënaqësinë për takimin në Zagreb, të dy ministrat diskutuan për të gjitha temat dhe aktivitetet e rëndësishme të të dy ministrive dhe njoftuan se së shpejti do të diskutojnë për forcimin e mëtejshëm të bashkëpunimit në Prishtinë.

Butkoviç u tha gazetarëve pas takimit se ai kishte informuar homologun e tij kosovar për investimet në infrastrukturë të palës kroate.

‘Këtë vit do të fillojë prokurimi i gjashtë anijeve për Jadrolinija. Ndërtimi është duke u zhvilluar!’

“Ne aktualisht jemi duke investuar 25 milionë kuna në infrastrukturën e transportit dhe përveç rrugëve, pjesa më e madhe është për hekurudhat. Për këtë arsye në takim ishin të pranishëm përfaqësues të HŽ Infrastruktura dhe HŽ Cargo”, tha Butkoviç, duke shtuar se ato kanë përfunduar  për të dy shtetet.

Ministrat diskutuan gjithashtu lidhjen ajrore dhe rinisjen me profit të linjës Zagreb-Prishtinë, që tani nuk funksionon, dhe e cila sipas Butkoviçit, do të “ringjallet” pas një muaji e gjysëm, në bashkëpunim me palën kosovare. Fakti që Aeroporti i Shkupit po rindërtohet pjesërisht do të kontribuojë në këtë aspekt, kështu që pritet të ketë trafik më të madh me Prishtinën.

Butkoviç  theksoi se dëshira e Kroacisë është që të rrisë tregtinë mes dy vendeve, kështu që shumë biznesmenë të interesuar për bashkëpunim me Kosovën do të jenë me të në delegacionin që do të vizitojë Prishtinën. Ministri Aliu falënderoi ministrin e një shteti mik dhe theksoi se Kosova dëshiron të lidhet më shumë me vendet e tjera të Bashkimit Evropian, të dëgjojë dhe të shohë përvojat e tyre në ndërtimin e infrastrukturës