Do të mbroj problemet e të gjitha minoriteteve
Shkruajn : Kujtim Morina Katrina Rožić
Për sa i përket bashkëpunimit me përfaqësuesit e pakicave të tjera kombëtare, Hoxhiq tha se kanë të përbashkët çdo iniciativë që shkon në drejtim të ruajtjes së të drejtave të njeriut dhe të drejtave të pakicave kombëtare. Ai posaçërisht theksoi se atë që ndajnë pakicat, është votimi në zgjedhje.
19 prill 2024.Deputeti i ri nga radhët e pakicave kombëtare, Armin Hodžić, kandidat i Koordinimit Kombëtar të Boshnjakëve në Kroaci, pas fitores së zgjedhjeve deklaroi se do të avokonte për zgjidhjen e problemeve me të cilat ballafaqohen pakicat në zgjedhje, por gjithashtu shprehu dëshirën që të jetë një urë bashkëpunimi ndërmjet Republikës së Kroacisë dhe Bosnje-Hercegovinës.
Në zgjedhje mundi ish-përfaqësuesen e pakicës kombëtare shqiptare Ermina Lekaj-Prljaskaj (Bashkimi i Shqiptarëve në Republikën e Kroacisë) duke hyrë kështu në Parlamentin kroat.
Kandidati i Koordinimit Nacional të Boshnjakëve në Kroaci mori përfaqësimin e pesë pakicave kombëtare në Parlamentin kroat nga Ermina Lekaj Prljaskaj (Unioni i Shqiptarëve në Kroaci), sipas rezultateve të zgjedhjeve parlamentare të mbajtura në prill 2024.
Sipas të dhënave nga 99,5 për qind e vendvotimeve, Hoxhiq ka marrë 3328 vota dhe Lekaj Prljaskaj 2239, kështu që Hoxhiq do të përfaqësojë pakicat kombëtare shqiptare, boshnjake, malazeze, maqedonase dhe sllovene.
Ai përfaqëson pakicat boshnjake, shqiptare, malazeze, maqedonase dhe sllovene.
Me këtë rast, Hodžić tha: “Boshnjakët nuk ishin në Parlamentin kroat për dy mandate të plota dhe ne humbëm shumë në tre ciklet e fundit zgjedhore. Jemi të lumtur që pas nëntë vitesh u kthyem në Parlament dhe do të kemi mundësinë të bëj diçka, për komunitetin tonë dhe për komunitetet e tjera kombëtare që unë përfaqësoj”, theksoi ai.
Gjysma e boshnjakëve nuk kanë të drejtë vote
Një nga çështjet më të rëndësishme në të cilën ai do të përqendrohet gjatë mandatit të tij është çështja e regjistrimit të boshnjakëve në listën e votuesve. “Është një problem i kahershëm, çdo i dyti nuk është i regjistruar si boshnjak në listën zgjedhore, por si musliman. Ne kemi dy dekada që po luftojmë me këtë problem dhe kemi pasur disa qindra njerëz që kanë dalë gjatë këtyre zgjedhjet, të cilët ishin të bindur se mund të votonin për përfaqësuesit e boshnjakëve, por fatkeqësisht nuk u regjistruan dhe unë u zhgënjeva”, ka theksuar Hoxhiq.
Një nga arsyet pse boshnjakët nuk ishin në parlament për nëntë vjet është se gjysma e elektoratit të tyre nuk ka të drejtë vote. Ai theksoi gjithashtu përmirësimin e infrastrukturës së organizatave boshnjake, ndërtimin e qendrave kulturore dhe sociale ku do të mblidhen, duke afirmuar ruajtjen e identitetit të tyre kulturor dhe kombëtar.
Lidhur me bashkëpunimin me përfaqësuesit e pakicave tjera kombëtare, Hoxhiq tha: „secila nga iniciativat tona që synojnë ruajtjen e barazisë së të drejtave të njeriut dhe të drejtave të pakicave kombëtare, duke theksuar se një nga problemet e shumta që ndajnë pakicat kombëtare është votimi në zgjedhje“.
“Disa persona kanë probleme me deklarimin dhe kërkimin e listës për pakicat kombëtare”
“Në këtë kontekst, ne të gjithë së bashku duhet të shohim se si ta përmirësojmë këtë pjesë. Ka shumë situata për të cilat mund të punojmë dhe besoj se do t’i kryejmë në këtë mandat”, theksoi ai.
Anëtarët e Klubit të Përfaqësuesve të Pakicave Kombëtare u takuan edhe në Parlamentin kroat, ku Hoxhiq si një përfaqësues i ri, u shpreh se janë njohur me njëri-tjetrin, kanë biseduar për shumë tema dhe se është i kënaqur që gjithçka do ta zgjidhin së bashku.
